බෙදලා දීලා හැමෝටම මං
මාව උන් ඉල්ලුවම ගානට
හැරිලා බැලුවම මටත් ඩිංගක්
ඉතුරු නෑ ඇබිත්තක් වත් මට
ලඟදි දවසක ගැනි ඇහුවම
තමුසේ මොනවද කළේ මා හට
ආව ගොන්නක් තල්ලු කරගෙන
හිතත් අස්සෙන් කඩන් එළියට
කටෙන් පැන්නොත් උන්ව එළියට
කනෙන් රිංගන් එයා අස්සට
පුපුරනවා සත්තයි ගොඩක් සද්දෙට
ඇහෙනවා පොඩි එකා ඒ හඬ
ඉතිං මොකටද මගේ වෙනුවෙන්
නැගෙන සිතුවිලි දාල එළියට
හඩක් නගලා බේරාගන්නට
පොඩි එකා බය වෙනවා දැක්කම
සුවහසක් මිනිසුන් හිතෙන් තව
මෙහෙම හිතනවා ඇතිනේ නිහඬව
කියලා මවුණා කන්දකුත් උස
පිරිමි උඩුකය දැවුණු අව්වට
උපහරක් වී එහෙව් පිරිමිට
ලිව්වා මේ කව බිත්තියේ තද
උබත් ඒ වගේ කන්දකුත් උස
එකෙක් නම් හිනැහියන් මේ දැක
No comments:
Post a Comment
කොමෙන්ටු දාන්න..