බලන්න තිබ්බනෙ එන්න කලින්......

  
අදුරෙන් මිනිසුන් මුදන්න
  සත්‍යය වෙනුවෙන් අරගල කරන්න
     ඇත්ත මේකයි වටහල දෙන්න

පස්මහ බැලූම්ම බලන්න වුනාලූ ,
    අප මහ සිදුහත් කුමරුට
මේ ලෝකෙට ආගමනය කරන්න.....!

අදුරෙන් මිනිසුන් මුදන්න
  සත්‍යය වෙනුවෙන් අරගල කරන්න
     ඇත්ත මේකයි වටහල දෙන්න

මැරෙන්නම වුනා
    යේසුස්ට ....!
පස්මහ බැලූම් නොබැලූ වරදට !
    මේ ලෝකෙට එන්න කලින්.

පහත් කුළේ උපන් නිසා
ඉහල එවුන් නොතැකු නිසා
මැරෙන්න වුනා යේසුස්ටත් !

    නිකමට හරි බලන්න තිබ්බා,
කාලය,දීපය,දේශය, කුළය සහ මව
    එන්න කලින් අපි අතරට.

අඩුම තරමෙ කුළය විතරක් වත් !
    ඔල මොට්ටල මේ ලෝකෙට
    කුණු මොළ ඇති මේ ලෝකෙට
    අසාධාරණ මේ ලෝකෙට !
බලන්න තිබ්බනෙ , එන්න කලින් ...

අපි අතරට !